భాస్కర శతక పద్యాలు - ఊరక వచ్చు
ఊరక వచ్చు బాటుపడ కుండిననైన ఫలం బదృష్ట మే
పారగ గల్గు వానికి బ్రయాసము నొందిన దేవదానవుల్
వార లటుండగా నడుమ వచ్చినశౌరికి గల్గె గాదె శృం
గారపుబ్రోవులక్ష్మియును గౌస్తుభరత్నము రెండు భాస్కరా
తాత్పర్యము: సురాసురులు అమృతమునకై మందరపర్వతమును కవ్వముగాను, వాసుకియను సర్పరాజును కవ్వపు త్రాడుగాను ఉపయోగించి పాలకడలిని మధింపగా, అందు లక్ష్మియు, కౌస్తుభ రత్నమును, కల్పవృక్షమును, కామధేనువును పుట్టెను. ప్రయాసపడి వారు సంపాదించిన వానిలో 'లక్ష్మియు, కౌస్తుభరత్నము' అను నీ రెండును ప్రయాసపడకుండగనే విష్ణువుకు లభించెను. అదృష్టవంతునకు అభివృద్ధి కలుగబోవునెడల అతడికే ప్రయాస కలగకుండనే భాగ్యములబ్బును.
0 comments:
Post a Comment